[實測] Sightron Maksy60
最近返貨而且做緊特價嘅Maksy60學習用折反射式望遠鏡
配有獨特的屏幕目鏡，便於智能手機拍攝的支架，但實際效果如何呢?
今日就等我哋為大家實際測試一下！
尋星鏡須另外加配 可以開蓋觀察望遠鏡內部結構
配置：
今次我哋用原裝配送嘅90度正像棱鏡、20mm目鏡、屏幕目鏡及智能手機支架，配上Celestron嘅TrailSeeker三腳架（現貨發售中）
首先測試智能手機支架配上20mm目鏡
我哋先將手機攝入支架，調較好位置之後再用橡筋縛實。由於唔同智能手機嘅鏡頭位置都唔一樣，所以用橡筋固定位置嘅彈性較大，而且易於操作。
至於將支架裝配到目鏡上就更方便，然後用兩旁螺絲鎖緊便可。
山頂氣象探測器 月球
首先望向水平望出去嘅山頂氣象探測器，可見雖有熱氣流影響，但仍然可以清晰咁拍攝到相關目標，而且唔少細節都可見。
之後到大約45度高嘅月球，雖然測試時間為下晝三點幾，但60mm口徑已有足夠集光力觀察到日照時嘅凸月，而且月海同環形山等月球表面嘅山脈地形都係可觀察到。
37.5倍嘅放大倍率絕對足夠日常觀景及觀察月球時用手機拍照！
實測屏幕目鏡
屏幕目鏡配置效果 較近大廈頂樓
屏幕目鏡效果比想像中好，影像清晰夠光，最方便唔使將眼睛放到好近先觀察到，而且仲可以同朋友一齊同時觀察，絕對唔會錯過一瞬於普通目鏡觀察到嘅畫面。
觀察唔同類型目標嘅時候，各種細微位都顯注可見。
較遠嘅大廈標誌 遠處山頂氣象探測器
而當望遠處目標時，亦不失細節位，就算係大廈標誌都可以清楚觀察到，甚至望向氣象站亦都可觀察到。雖然測試時陽光猛烈，但仍然可以透過屏幕目鏡輕鬆尋找及指向目標，順利咁觀察。
不動明王：
https://www.facebook.com/stardustvegabort
photo credit 不動明王 photo credit 不動明王 photo credit 不動明王
總結
本身Maksy60鏡身短，但都有750mm焦距，配上20mm嘅目鏡，已經可達37.5倍嘅放大倍率。再加上附送嘅手機支架，可以輕鬆用手機拍攝目標；而另外嘅屏幕目鏡亦有驚喜，不但方便大家尋找同指向目標，而且仲可以同友人一齊共享目鏡一同觀察，實在係抵玩之選。